26.9.2010

*PASUUNAT*

Tämänkertainen *Kuva-Jorina* on tuolta luonnosta lähtösin - kuinkas muuten..!
Ei'hän soo mikhään *Luomu-Kuva*. Eihän sen tuon kuvankhaan tartte olla 'Luomua', koska tämä 'jorinoiluki' on kaukana siittä niinsanotusta *kirija-kieli-luomu-kirijottelusta'...? Mithään  se sitten pittää sisälhään - 'luomu-kirijottelu'...? Entäs Se 'Luomu-Kuva'....?
Ossaappa se sitten paremmin sanua ja juluki panna..!
Tuosta kuvasta'han sitä oli vähän niin'ko aikomus vähän selitellä.  Kuvan 'synnytys-tuskat' olivat sen verran vaikiat tai ainaki jonkin verran kovat, että siinä tarvithiin kappale tuolta luonnosta raapastuna vanhemmala Canonila (G3). Sillä sitä pääshään tarpheeksi lähele ja voihaan kuvata 'niskoja nyrihäyttämättä'.
Tuosta kuvvaus-rojektista'ki on kulunu jo yli 3 vuotta.
Mie oon sen kameran kyllä pannu toistaseksi 'pansuunile'(eläkheele) - mitä se sitten tarkottan'neekhaan...? Tuola son kaapin perälä hyvin palavelheena ensimmäisenä 'tiki-vehkheenä'.
Kyllä sillä tuli sen verran nuita pikseleitä - mitä net sitten onkhaan - että usian kuvakäsittelyn ja 'puinnin' jäläkheen mie jotensaki olin tyytyväinen tuloksheen. Ei'hän se mikhään semmonen 'lähi-makro-kuva' oo jota mie sanosin hyäksi. Se tuo kunnon 'lähi-makro-kuva' on semmonen, josa ei tartte kattua karvaa onko se 'karvan-terävä', vaan katella kummala puolen sitä karvaa on varijo...?
Siihen minun kampheila en oo vielä pystyny, vaikka häätyy sanua - melekosen lähele oon päässy.
Sitten oli tuo kuvan nimiäminen. Tämän hetkisheen syys-aiheesheen - joita aiheita tuola luonnosa on aivan tarpheeksi - ja non sitten sitä luomua niin'ko esimerkiksi nuitten muuto-lintujen muutto, mie nimesin kuvan *Pasuunoiksi*.
Nuila 'Pasuunoila' met voima toivottaa Hyvää ja Turvallista Matkaa  ja 'puhaltaa' muutto-hetken alakanheeksi kaikile muuttua ja lentoreittiä suunnittelevile Linnuile....!
Nuista muila-tavoila muuttajista ei oo niikhään väliä...!
http://picasaweb.google.com/eskoa514

2 kommenttia:

Arto Alamaunu kirjoitti...

Totta turiset.

Anonyymi kirjoitti...

Joo... son tarkkaa hommaa tuo läheltä kuvvaus...
Zeiss T* macro täyelä aukola...???
Terävyys-alue kohalhaan...Variosta ei tietoakhaan...!